ವರ

**ನಿದ್ರೆ ಒಂದು ವರ ಯಂಗೆ**

 ಹೀಂಗೇಳಿ ನನ್ನ ಹೃದಯದ ಒಡತಿಯೂ ಹೇಳ್ತು... ನನ್ನ ಆಸ್ತಿಯ ಒಡತಿಯೂ ಹೇಳ್ತು. 😍 ಎಂತಕೆ ಅಂದ್ರೆ ಎಷ್ಟೊತ್ತಿಗೆ ಬೇಕಾರೂ ಬಿದ್ಕೂಳೆ ವರಕ ಯಂಗೆ. ಅವ್ಕೆ ಹೊಟ್ಟೆಕಿಚ್ಚು 😌

      ನನ್ನ ಜೀವನದ ಹೆಚ್ಚೂ ಕಮ್ಮಿ 20 ವರ್ಷ ಪ್ರಯಾಣದಲ್ಲಿ ಕಳದೋಜನ. ಸಿಕ್ಕ ನೌಕರಿಯೂ ಅಂತದ್ದೇಯ. ಬಸ್ಸಲ್ಲಿ ಕುಂತು ಡ್ರೈವರ ಬಸ್ ಡುರ್ ಗೆಡಸಿ 3 ನೇ ಗೇರಿಗೆ ಹಾಕ್ದ ಅಂದ್ರೆ ಯಂಗೆ ವರಕ.  ಟ್ರೇನಲ್ಲಿ ನಿಯಮಿತವಾಗಿ ಡಗ್ ಡಗ್ ಶುರು ಆತು ಅಂದ್ರೆ ನಾ ವರಗ್ದೆ ಹೇಳೇ ಲೆಕ್ಕ..‌ ವಿಮಾನ ಟೇಕ್ ಆಫ್ ಅಪ್ಪಲಿವರಿಗಷ್ಟೇ ಎಚ್ರ ಇರ್ತು😍😂😜

 ಮೊದಲಿಂದ ಹಂಗೇಯ

**ಕಾಲೇಜು ಜೀವನ 1998:

ಆವತ್ತೊಂದಿನ ಕುಮಟಾದಿಂದ 3 ಗಂಟೆಯ ಚಿಪ್ಪಿಹಕ್ಕಲ ಬಸ್ಸಿಗೆ ಹತ್ತಿ ಕುಂತಿದ್ದೆ.‌ ಮಾಡಗೇರಿ ಹತ್ರ ಎಚ್ಚರಾಗಿತ್ತು..‌ ಅಂ ಮನೆಗಿನ್ನೂ ಸುಮಾರು ದೂರಿದ್ದಲೀ ಹೇಳಿ ಮತ್ತೆ ಕಿಡಕಿಗೆ ವರಗಿದ್ದೆ. ಕಡೆಗೆ ಕೊಳಪೆಹೊಂಡ ದಾಟದ ಮೇಲೆ ಕಂಡಕ್ಟರ ಬಂದು 'ಹಾ ಎಲ್ಲಿ ಇಳೂದು ತಮಾ?' ಅಂದಮೇಲೆ ಎಚ್ರಾಗಿ ಕಿಡಕಿಲಿ ನೋಡಿರೆ ಅವಧಾನಿ ಶಾನಭೋಗರ ಮನೆ ಬ್ಯಾಣ ! ಎಚ್ರ ಮಾಡ್ದ ಕಂಡಕ್ಟರಂಗೆ ಧವಾ ಹೇಳದ ಬಿಟ್ಟಿಕ್ಕೇ ಹುಳಚಪ್ಪೆ ಮಕಾ ಮಾಡ್ಕಂಡು 'ಹಿಹಿ' ಹೇಳಿ ಕಿಸದು, ಮನಸಲ್ಲೇ ನಗೆ ಬಂದರೂ... ತಡಬಡಸಿ  ಎದ್ದು ಇಳದು‌ ವಾಪಸ್ 1 ಕಿಮೀ‌ ಮನೆಗೆ ನಡ್ಕ ಬಂದದ್ದಿದ್ದು. ಇಡೀ ಬಸ್ಸನವೆಲ್ಲ ನಗ್ಯಾಡಿದ್ದ ಹೇಳದು ಯಂಗೆ ಗೊತ್ತಾಗ್ದೇ ಹೋಜಿಲ್ಲೆ ಮತೇ😀

    **ಹೊನ್ನಾವರ 2000: 

ಎನೋ ಕೆಲಸದ ನಿಮಿತ್ತ ಎಲ್ಲಿಗೊ ಹೋಗಿ ಬಂದಿಳಿದಿದ್ದ ರಾತ್ರಿ ನಾನೂ ನನ್ನಣ್ಣ..  ಬೆಳಿಗ್ಗೆ 5 ಗಂಟೆಗೆ ಅವಂಗೆ ವಾಸ್ಕೋ ಹೋಪ ಬಸ್ಸು. ಹಂಗಾಗಿ ಮನೆಗೆ ಹೋಗದೇ ಕಾಮತ್ ಹೊಟೆಲಲ್ಲೇ ರೂಂ‌ ಮಾಡಿ ವಳ್ದ.  ನನ್ನ ವಾಚಲ್ಲಿ ಅಲಾರ್ಮ್ ಇಟ್ಟು‌ ಮಲಗಿದ್ದೊಂದು ಗೊತ್ತು... ಬೆಳಗ್ಗೆ ಎಚ್ರಾದಾಗ ಎಂಟೂಕಾಲು. ಅಲಾರ್ಮ್‌ ನೋಡಿರೆ ಬಂದ್ ಮಾಡಿದ್ದ ಯಾರೋವ... ವರ್ಕಣಾಶಿಲಿ ನಾನೇ ಬಂದ್ ಮಾಡಿರವು.. ನನ್ನ ಬುರ್ಡೆಗೆ ವಂದ್ ತಟ್ಟಿಕ್ಕೇ ಶಿಟ್ ಶಿಟ್ ಮಾಡ್ಕಂಡು ಹೋದ ಅಣ್ಣ..‌ ಬುರ್ಡೆಗೆ ತಿಂದೂ ನಗ್ಯಾಡಿದ್ದು ಅಂದ್ರೆ ಅದೇ ಮದ್ಲಾಗಿಕ್ಕು ಯಾನು 😂😜

   **ಮುಂಬೈ 2002: 

ಮುಂಬೈಲಿದಿದ್ದೆ ಕೆಲ ವರ್ಷ. ಊರಿಗೆ ಬಪ್ಪ ಮತ್ಸ್ಯಗಂಧಾ ರೈಲ ಹಿಡದು ಶೆಡ್ಯೂಲ್ ಪ್ರಕಾರ ಹೊನ್ನಾವರ ಸ್ಟೇಶನ್ನಲ್ಲಿ ಇಳಿಯವು ನಾನು. ಅಂಕೋಲಾದಲ್ಲಿ ಎಚ್ರಾಗಿತ್ತು. ಯನ್ನ ವರ್ಕ ಗೊತ್ತಿದದ್ದರಿಂದ ಅಲಾರಾಂ ಇಟ್ಟಿದಿದ್ದೆ.  ಅದು ಬಡ್ಕಂಡ್ರೂ ಅದನ್ನ ಸ್ನೂಜ್ ಮಾಡಿ ಮತ್ತೆ ಮಲ್ಗಿದಿದ್ದೆ... ಎರ್ಡ್ ನಿಮಿಷನೂ ಆಜಿಲ್ಯನ ಅಚಾನಕ್ಕಾಗಿ ರೈಲಿನ ಶಬ್ದ ಬದಲಾಗಿ ದಡಾಬಡಾ ಅಗಿದ್ದರಿಂದ ಎಚ್ರಾತು.. ರೈಲು ಬ್ರಿಜ್‌ ಮೇಲೆ ಜಾಸ್ತಿನೇ ಶಬ್ದ ಮಾಡ್ತು. ಒಹೋ ಅಘನಾಶಿನಿ ಬಂತು ಹೇಳಿ ಎದ್ದು ಕುಂತೆ. ನಿಮಿಷದೊಳಗೇ ಗೊತ್ತಾತು..‌ ಶರಾವತಿ ಇದು ಹೇಳಿ.. ಕೈ‌ ಮುಗದೆ.... ಮನಸಲ್ಲೇ ನಗೆ ಬಂತು.. ಮುರ್ಡೇಶ್ವರಕ್ಕೆ ಹೋಗಿ ಇಳದು, ಬಸ್ ಹಿಡದು ಮನೆಗೆ ಬಂದ್ರೆ ಆಯಿ ಕೇಳ್ತು -

"ಟ್ರೇನ್ ಲೇಟನ ತಮಾ!?" 

"ಹೌದೇ... ಇಲ್ಯೇ ಸಾಯ್ಲಿ" ಅಂದೆ ಒಳಗೊಳಗೇ ನಗ್ಯಾಡ್ತವ 😜

   ದಿಲ್ಲಿ 2007:

ಕಾರ್ಯ ನಿಮಿತ್ತ ಎಲ್ಲೋ ಹೋಗಿದ್ದೆ.  ವಾಪಸ್ ದಿಲ್ಲಿಗೆ ರೈಲ ಪ್ರಯಾಣ.. ಅಪ್ಪರ್ ಬರ್ಥ್...  ಯಥಾಪ್ರಕಾರ ನಿದ್ದೆ .. ಅಲಾರಮ್ಮು ಬೇಡ ಈ ಸಲ ಹೇಂಗದ್ರೂ ನಯಿದಿಲ್ಲಿ ಲಾಸ್ಟ್ ಸ್ಟೇಷನ್ನು ಹೇಳಿ ಧೈರ್ಯ. ಅಚಾನಕ್ಕಾಗಿ ಸುಖನಿದ್ದೆಯ ಮಧ್ಯ ಒಬ್ಬ ಎಬ್ಸದ ಸತ್ತಂವಾ..‌ "ಓಯೇ ಪೆಹಲವಾನ್ .. ಜಾಗೋ..  ದಿಲ್ಲಿ ಚಲಾ ಗಯಾ .. ವಾಶೀಂಗ್ ಮೇ ಗಾಡೀ ಖಡೀ ಹೇ" ಅಂದ. ಕೊನೆಯ ಸ್ಟೇಷನ್ನಲ್ಲಿ ರೈಲು ನಿಂತು ಎಲ್ಲಾ ಇಳಿದ ಮೇಲೆ ಟ್ರೇನು ವಾಶಿಂಗ್ ಲೇನಿಗೆ ಹೋಗಿ ನಿಲ್ತು.. ಅಲ್ಲಿಂದ ನಡ್ಕಂಡು ಹತ್ರದ ಮುಖ್ಯರಸ್ತೆಗೆ ಬಂದು ಅಟೋ ಹಿಡ್ಕಂಡು ಮನೆಗೆ ಬಂದೆ.. ಯಮ್ಮನೆದ್ರದ್ದು ಅದೇ ಪ್ರಶ್ನೆ 

" ಟ್ರೇನ್ ಲೇಟ?" 

ಯಂದೂ ಅದೇ ಉತ್ರ "ಹೌದೇ... ಇಲ್ಯೇ ಸಾಯ್ಲಿ"...  ಒಳಗೊಳಗೇ ನಗೆ 😂😜

ನಿದ್ರೆ ವಂದು ವರ ಯಂಗೆ 😂😂

-ಶ್ಯಾಂ ಭಟ್, ಭಡ್ತಿ

2 ಜೂನ್ 2022, ಹವಿಹಾಸ್ಯ - ಲಘುನಗು